Visita á "Biblioteca Pública Juan Compañel"

Encantounos visitar a  "Biblioteca Pública Juan Compañel" de Vigo, É a nosa biblioteca de referencia. Cesar, o bibliotecario, explicounos moitas cousas dende o orixe desta biblioteca ao seu funcionamento. Gustounos moito ver libros en diferentes linguas, en braille... A sala con libros pop up é xenial!!! pero o que máis nos gustou foi o xogo de pistas, 

Primeira sesión na horta escolar Curso 2018-2019

 Comezamos, un ano máis as sesións da horta escolar con Rosa e Rolan. Limpamos o noso bancal de herbas, movemos a terra e sementamos canónigos. Finalmente regamos e comprometémonos a regar cando fose necesario. Xa estamos esperando para ver como crecen e probar a rica ensalada que imos facer.

Rematamos o noso proxecto “Julio Verne en Vigo”

O día 12 de xuño rematamos, ao fin, o noso proxecto “Julio Verne en Vigo”. Fomos a Meirande e ás illas de San Simón e San Antón.

Saímos ás 9:00 do colexio e fomos camiñando e cantando ata o Porto. No porto esperábanos Xabi, que era o monitor. Collemos o barco e foi moi emocionante, sobre todo ao pasar debaixo da ponte de Rande (pedimos un desexo). Chegamos a Meirande e alí aprendemos moitas cousas da historia dos tesouros. Collemos de novo  barco e fomos ata San Simón e San Antón. Fixemos una visita ás illas con Xabi, que nos explicou moitas cousas sobre a historia, as lendas…. Comemos no barco fondeado na enseada e volvemos á illas para facer un xogo de pistas. Á volta tivemos discoteca na cuberta do barco. Chegamos un pouco tarde ao colexio, pero pagou a pena. PASÁMOLO XENIAL!!!

Obradoiro de cociña coas mestras Marta e Filo

Os nenos e as nenas de 3º de primaria rematamos o curso cun obradoiro de cociña. Seguimos os pasos seguintes:

1. Xogo de pistas polo patio do colexio ata localizar os anacos da receita e compoñer o crebacabezas. 
2. Escribir e aprender a receita.
3. Fixemos a equivalencia das medidas para facer biscoito e medio.
4. Elaboramos a receita.
5. Comémola 😋

Os brownies estaban riquíiiiiisimos!!!

O GATO CON BOTAS CONTADO CUN KAMISHIBAI

Esta semana tivemos a sorte de ter connosco a Cristina (nai de Marina). Gozamos moito co conto do "Gato con botas" contado cun kamishibai, arte tradicional de contar contos en Xapón.

Ademais de escoitar o conto, aprendimos cousas da cultura tradicional xaponesa que ela nos contou.

Arigato Cristina!!!

Obradoiro de banda deseñada

O pasado venres recibimos a visita de Federico Fernández, un importante ilustrador entre outras cousas. Con el aprendemos como facer un cómic. Explicounos os distintos tipos de planos, de globos... as partes do cómic e o máis importante.  como facer o guión gráfico para poder  pasar unha historia creada por nós a cómic. Aprendemos e gozamos moitísimo, máis agora queda o importante: A elaboración do noso propio Cómic!!!

Moitas grazas Federico os /as nenos/as de terceiro comprometémonos a ter o cómic rematado antes de  fináis de curso.

LETRAS GALEGAS 2018

 Os/as alunos alumnas de 3º homenaxeamos a María Victoria Moreno, na clase de plástica.

Obradoiro de instrumentos musicais antigos con Tere Santamaría

Este ano, como non podía ser menos, os/as nenos/as de terceiro de primaria celebramos O Día das Letras Galegas. O martes 15 de maio tivemos un magnífico obradoiro con Tere Santamaría. 

As mestras explicáronnos que Tere é unha das mulleres importantes de Galicia. Forma parte do grupo de música folk Son de Seu, é actriz de dobraxe e ten moitos coñecementos sobre as tradicións musicais de Galicia.

Comezamos aprendendo como hai moitas cancións que foron pasando, oralmente, dunha xeración a outra. Mostrounos tamén como con case calquera cousa pódese facer música. Con latas, cunchas, culleres de pao, morteiro. tarrañolas (costelas de porco)... Aprendemos tamén a diferenza entre pandeira, pandeireta, pandeiro e mesmo o adufe que é de orixe portugués.

Finalmente cantamos algunhas cancións tradicionais que xa coñecíamos e outras que nos ensinou ela.

Pasámolo moi ben!!!

Moitas grazas Tere por compartir o teu coñecemento e amor pola música tradicional galega connosco.

XOGANDO A SER ARQUITECTOS

Onte fixemos un “obradoiro de arquitectura” con María, a nai de Nicolás e Sofía. Explicounos moitas cousas como que o traballo dun/dunha arquitecto/a  non só consiste en deseñar edificios, senón que tamén é necesario para ordenar as cidades.

Nós,  que tiñamos moitas ganas de pasalo ben, puxémonos mans á obra e comezamos a deseñar o noso propio edificio cunha caixa de zapatos e unhas portas e ventás de diferentes formas e cores que nos trouxo María.

María trazou as rúas dunha cidade. Colocamos os nosos edificios no lugar que máis nos gustaba e debuxamos a contorna (parques, xardíns, piscinas...)

Cando a cidade estivo rematada, puxémoslle un nome.  “A CIDADE DO FUTURO”  deseñada por 3º A  “A CIDADE DE CARTÓN” deseñada por 3º B.

Pasámolo Xenial!!! Moitas grazas María por compartir o teu tempo connosco.

VISITAMOS A EXPOSICIÓN DE "JULIO VERNE" NO MARCO

O día dous visitamos a exposición de "Julio Verne" no MARCO. Seviunos para repasar as moitas cousas que aprendemos este curso sobre o autor e a súa obra e tamén para aprender cousas novas.

LECTURAS EN FAMILIA

Durante a Semana do Libro o alumnado de terceiro de primaria gozó, como non podía se doutro xeito, das lecturas c@s pais e nais, que puideron acercarse ás aulas para aportar o seu grao de area.
Queamos tod@s encantad@s coa súa colaboración, Moitas Grazas!!!

RECICLAMOS E CREAMOS

Os nenos e as nenas de terceiro gozamos moito facendo uns collages, moi creativos, con cousas que tiñamos para reciclar. Se queredes ver a exposición completa podedes visitar o corredor das nosas aulas.

Obradoiro con Teresa González Costa

Onte recibimos a visita da autora de "Fred Quincalla". Falamos do libro, de Fred, de como xurdiu a historia, dos personaxes e dos lugares que aparecen no libro, da importancia de ser diferente... Asinounos os libros cunha preciosa dedicatoria dentro dunha balea. Pasámolo Xenial!!!

21 de marzo "Día da Poesía"

Os nenos e as nenas de 3º celebramos o día da poesía e a chegada da primavera,   ilustrando o conto poético de MARÍA VICTORIA MORENO.

Visitamos o Museo do Mar

Visitamos o Museo do Mar e gozamos moitísimo coa variedade de peixes e mariscosm  que hai no acuario e que son todos autóctonos da Ría de Vigo. Tamén aprendemos moitas cousas sobre embarcacións tradicionais, bateas, e o que máis nos interesaba: os traxes de mergullo e o submarino de Sanjurjo Badía. Todo relacionado co noso proxecto "JULIO VERNE EN VIGO"

Día de Rosalía nas aulas de 3º de Primaria

No día de Rosalía abrimos as fiestras con debuxos e poemas escritos dentro deles

Animación á lectura diante de Julio Verne

Hoxe fomos a unha actividade de animación á lectura, invitados polo Concello, con motivo da celebración do 150 aniversario da entrada do Nautiluus na Ría de Vigo. Unha avoíña relatounos cousas, que o seu avó lle contara, de Julio Verne e do Nautilus. O lugar elixido para a  actividade foi o Naútico, diante da estatua de Julio Verne

Entroido 2018 no CEIP García Barbón, dedicado a Vigo

Este ano celebramos o Entroido, disfrazándonos de "mergulladores do Nautilus". Pasámolo moi ben. Veu ao desfile o alcalde, Abel Caballero. Todos os cursos fixeron disfraces moi bonitos. Parabéns a tod@s por representar, dalgún xeito, a nosa cidade.

O Capitán Nemo nas aulas de 3º

Hoxe visitounos o Capitán Nemo. Aprendemos moitas cousas da vida nun submarino, de navegación antiga, de comunicacións... O Capitán Nemo quedou entusiasmado coa reprodución que fixemos do "Nautilus" así como do resto da decoración alusiva ao tema.

Coa visita de Nemo tod@s sentímonos como capitáns do "Nautilus"

Día Escolar pola Paz e a non Violencia

O día 30 de xaneiro, como cada ano, celebramos o Día da Paz cunha magnífica actuación preparada pola profe Fran. 

O alumnado de 3º diante da súa obra

"20000 LEGUAS DE VIAXE SUBMARINO" NAS AULAS DE TERCEIRO

Mural realizado polo alumnado de 3º de E. Primaria

As portas das clases de terceiro, decoradas co tema do noso proxecto.

OBRADOIRO DE HÁBITOS SAUDABLES

O pasado día 14 de decembro, nas aulas de 3º de primaria, tivemos un obradoiro de “Hábitos Saudables”. As farmacéuticas Ana (nai de Lola) e Iria contáronnos unha morea de cousas sobre a alimentación, o exercicio físico, as posturas e a hixiene. Familiarizámonos co tema dos piollos e xurdiron moitas preguntas. Agradecemos tanto a Ana coma a Iria que nos visitaran para ensinarnos cousas tan interesantes e... como remate, agasalláronnos cunhas mochilas moi bonitas. Pasámolo xenial !!!

AS NOSAS ARBORIÑAS

Facendo plástica no outono

A HORA DO CÓDIGO

Este ano tamén participamos na "Hora do Código" pois como di Steve Jobs:

“Everybody should learn how to program a computer…

because it teaches you how to think.”

Guillermina van der Kooy na clase de plástica

Outono VI

Na clase de plástica estamos a traballar  as cores do outono tomando como referencia esta obra.

 Para ver máis obras desta autora preme aquí

OS NOSOS CADERNOS DE BITÁCORA

Comezamos a lectura de "20.000 leguas de viaje submarino" elaborando o noso caderno de bitácora. Neste caso non anotamos incidencias de navegación senon da lectura.

Imos ao teatro

Esta mañá fomos ao teatro a ver "Rubicundo" obra  de María Canosa, adaptada e representada por Teatro de Ghazafelhos

Hoxe o alumnado de 3º gozamos comendo castañas no "Magosto"