Facendo plástica no outono

A HORA DO CÓDIGO

Este ano tamén participamos na "Hora do Código" pois como di Steve Jobs:

“Everybody should learn how to program a computer…

because it teaches you how to think.”

Guillermina van der Kooy na clase de plástica

Outono VI

Na clase de plástica estamos a traballar  as cores do outono tomando como referencia esta obra.

 Para ver máis obras desta autora preme aquí

OS NOSOS CADERNOS DE BITÁCORA

Comezamos a lectura de "20.000 leguas de viaje submarino" elaborando o noso caderno de bitácora. Neste caso non anotamos incidencias de navegación senon da lectura.

Imos ao teatro

Esta mañá fomos ao teatro a ver "Rubicundo" obra  de María Canosa, adaptada e representada por Teatro de Ghazafelhos

Hoxe o alumnado de 3º gozamos comendo castañas no "Magosto"

Comezamos cos obradoiros de "horta" e "papiroflexia"

Tamén aprendemos "O Sistema Solar" facendo plástica

Lucas e o Kamishibai

O Venres, para rematar o curso, tivemos unha sorpresa Lucas, un neno de 6º veu á clase a explicarnos que é o "kamishibai" invento xaponés que na nosa lingua significa"teatro de papel".
Presentounos un conto elaborado por el mesmo, tanto nos debuxos coma no texto "O Pingüín e o Boneco de Neve" e foi todo un éxito.
 Moitas grazas Lucas e moita sorte no instituto.

Robótica na aula

Este curso fixemos programación e robótica como parte da programación. Gustounos moito!!! 

XOGANDO A SER CIENTÍFICOS

Hoxe visitáronnos tres científicas do IIM (instituto de investigacións mariñas). Explicáronnos por que se producen as mareas. Xa sabiamos algunhas cousas que inflúen nas mareas ( A Lúa, o vento...) pero o que non sabiamos é que tamén o sal e a temperatura inflúen nas mareas.

O mellor de todo foi o experimento no que vimos o que ocorre cando mesturamos auga con diferentes densidades de sal (como cando se mestura a auga do río Verdugo coa auga da ría de Vigo.

Encantounos esta experiencia!!!

Gozando no Ecoparque de Marín

XA SABEMOS COMO SE FAI UN COCHE!!!

Hoxe estivo na nosa clase Pablo Justo (pai de Antón). Explicounos como se fai un coche. Falounos tamén de CITROËN, a fábrica onde el traballa como enxeñeiro... Estivemos moi atentos e aprendimos moitas cousas. Grazas Pablo por compartir connosco o teu tempo.

CARAPUCHIÑA RAPERA

O venres día 2 de maio fomos ao teatro. Vimos a obra "CARAPUCHIÑA RAPERA" escrita, producida e representada polo alumnado de 6ºA. Gustounos moito. Parabéns!!!

PARABÉNS AINARA!!!

A nosa compañeira Ainara gaña o primeiro premio no "Concurso Literario" da escola. Parabéns!!!

OBRADOIRO MUSICAL CON TERE SANTAMARÍA

Tere Santamaría (membro do grupo de folk SonDeSeu) introduce connosco a Semana das Letras galegas, achegándonos ao vocabulario dos instrumentos pobres usados tradicionalmente en Galicia.

Foi unha actividade magnífica pois non só aprendemos moitas cousas, senón que pasámolo moi ben cantando e bailando. 

Moitas grazas Tere por compartir a túa sabedoría e ofrecernos o teu tempo tan amablemente.
Se queredes ver máis, mirade o que a mestra Charo escribiu no blog de EDNL.

Rematamos o traballo sobre Carlos Casares, facendo unha pequena aportación ao mural da entrada do colexio. O tema  foi, como non, sobre  "As laranxas máis laranxas de tódalas laranxas". Este libro foi traballado polo alumnado de 4º ao longo do curso.

CARLOS CASARES LETRAS GALEGAS 2017

CARICATURAS DO AUTOR HOMENAXEADO FEITAS POLO ALUMNADO DE 4º DE PRIMARIA

Letras Galegas 2017

A Galiña Azul

Aquí podedes ver o froito da nosa arte

A GALIÑA AZUL - CARLOS CASARES from Julia Pérez on Vimeo.

A HORA DO CÓDIGO 2016

Do 5 ao 9 de decembro celebrouse a “Hora do Código” e como nas pasadas convocatorias tamén participamos. Acordamos facer unha sesión de aprendizaxe cooperativo con nenos de 4 anos. Cada un/unha de nós tiñamos un/unha amiguiñ@ da clase de pequenos e na aula de informática programamos xuntos con “Angry Bird”. Foi moi divertido!!!
Hora do código 2016 from Julia Pérez on Vimeo.

Desfile de gondoleiros no entroido

MARCO

Saímos no "Faro de Vigo"

Hoxe o alumnado de 4º saímos no "Faro da Escola" pois hai uns días que visitamos as instalacións do "Faro de Vigo". Quedamos encantados coa visita pois non só aprendimos como se fai un xornal, senón que nos agasallaron con moitos regalos.

NADAL 2016

PRIMEIROS PROTOTIPOS FEITOS NA CLASE DE ROBÓTICA

CREAMOS ARTEFACTOS

Se fas clic en cada unha das imaxes, poderás ver como os fixemos.

Despedimos o curso facendo equilibrios no ECOPARQUE de Marín

UNHA MASTER CLASS DE COLLAGE

O pasado 31 de maio tivemos unha master class coa artista Elena Fernández de Prada (nai de Ignacio). Foi un taller moi interesante pois aprendimos que os collages poden ser abstractos ou figurativos, os tipos de texturas…

Elaboramos os nosos propios collages figurativos que son auténticas obras de arte. Premede en cada collage e veredes a obra en grande e quen a realizou. Premede  no nome da artista para visitar a páxina web e coñecer a súa obra.

MOITAS GRAZAS ELENA!!!

Achegámonos a Asia con Cristina (nai de Antón)

Nun primeiro momento Cristina ensinounos como soaba a cunca tibetana de sete metais. Os lados e o borde da cunca vibran ao ser golpeados ou ao ser fregados en forma de percorrido cun mazo. Non se sabe moi ben a súa orixe pero son utilizadas polos monxes do Tíbet en distintas técnicas de meditación, relaxación...

Tamén explicounos que o Kamishibai, ou “teatro de papel”, é a arte tradicional xaponesa de contar historias, combinando o relato oral co uso de ilustracións realizadas sobre láminas de papel.  Estas son inseridas nun marco de madeira con portas. O narrador anuncia a súa chegada golpeando dous anacos de madeira unidos por unha corda. Despois abre as portas do teatro para mostrar as ilustracións que son removidas conforme se vai contando a historia.

MOITAS GRAZAS CRISTINA!!!