sábado, 22 de junio de 2019

domingo, 28 de abril de 2019

A ANTÁRTIDA CONTINENTE EXTREMO

O pasado 26 de abril tivemos connosco a Luis Sampedro Científico da Misión Biolóxica do CESIC que dedica as súas investigacións a estudar a relación dos animais coas plantas.
Acaba de chegar da base española e contounos como transcurrira, alí, a súa vida e as súas investigacións en condicións extremas.
Contounos moitas cousas pero encantounos, sobre todo, o que nos contou dos animais, sobre todo dos pingüinos e da balea azul. Foi moi interesante!!! Ogallá cheguemos a ser algún/alguha de nós científico/a. Moitas grazas Luis. O alumnado de 4º de primaria do CEIP García Barbón, seguiremos as túas investigacións .

miércoles, 17 de abril de 2019

Aprendendo e gozando con Federico Fernández


O día 12 de abril tivemos a mellor despedida que puidemos ter antes das vacacións de Semana Santa. Fomos visitar unha exposición retrospectiva da obra de Federico Fernández. Nós xa coñecíamos a Federico, pois o curso pasado ensinounos a facer "banda deseñada" e gustounos tanto que este curso estabamos a repetir a experiencia facendo un cómic cooperativo. Cando estabamos rematando o guión gráfico e comezando a facer o cómic, as nosas mestras déronnos unha sorpresa:
Coñeceran pola prensa de que a exposición de Federico era a derradeira na sala o "Halcón Milenario" e decidiron ir vela. Tanto lles gustou que lle pediron a Federico, se era posible, levarnos a nós. Federico facendo gala da súa amabilidade non só nos recibiu, senón que nos explicou cantidade de cousas sobre as distintas técnicas que usaba. Coñecíamos moitos dos contos que ilustrara, máis non sabiamos que eran del. A partir de agora fixarémonos en quen ilustra os libros que lemos. Fomos uns auténtic@s privilexiad@s. Moitas grazas Federico!!! 


martes, 9 de abril de 2019

Obradoiro de Poesía


O día 5 de abril visitounos Antonio García Teijeiro foi o colofón ao traballo que levamos facendo durante todo o curso, tomando como referencia o seu libro "Paseniño, Paseniño" no que homenaxea a Rosa lía de Castro.
Falamos de poesía, recitamos poemas, límos os nosos poemas... e ao fin asinounos os nosos libros cunhas dedicatorias marabillosas. Foi unha experiencia xenial . Moitas grazas Antonio.

jueves, 31 de enero de 2019

RETO CUMPRIDO!!!

As/os nenas/os de 4º de E. primaria, cumprimos o reto, facendo 1000 grúas e grous para que, segundo unha lenda xaponesa, se cumpra o noso desexo:

  PAZ NO MUNDO

jueves, 22 de noviembre de 2018

Chega un ano máis a "Hora do Código"


Un ano máis o alumnado de 4º de E. Primaria participamos na "Hora do Código". Este evento internacional, que fai que o noso colexio estea no planisferio, se celebrará na semana do 3 ao 9 de decembro. Gozaremos un montón programando con estes xogos.

lunes, 29 de octubre de 2018

Inauguración da Biblioteca do Cole


Este curso inauguramos a biblioteca do cole coa mestra Enma. Pasámolo xenial!!! Fixemos un xogo de pistas por grupos e ao final conseguimos un código. Co código tivemos o noso premio: A Mochila Viaxeira e un marca páxinas para cada un de nós. Xa lle dixemos a Enma que para a próxima vez queriamos, de premio, comida saudable. Grazas Enma por esta fantástica actividade.

martes, 23 de octubre de 2018

Obradoiro de RCP con Paula

Hoxe tivemos un obradoiro de RCP (Recuperación Cardio Pulmonar) con Paula a nai de Daniela. Aprendemos moitas cousas, dende os pasos a seguir cando atopamos unha persoa inconsciente ata que é a postura lateral de seguridade ou como funciona un desfibrilador. O que máis claro nos quedou é que o número de emerxencias é o 112 e que antes de chamar temos que comprobar si a persoa está inconsciente ou durmida.
E, por suposto, encantounos facer masaxe cardíaco aos nosos peluches, pois ata os 14 anos non poderemos facelo a persoas xa que temos pouca forza.
Moitas grazas Paula por compartir o teu tempo connosco. Sempre recordaremos, en caso de emerxencia, que hai que facer.

domingo, 21 de octubre de 2018

Visita á "Biblioteca Pública Juan Compañel"


Encantounos visitar a  "Biblioteca Pública Juan Compañel" de Vigo, É a nosa biblioteca de referencia. Cesar, o bibliotecario, explicounos moitas cousas dende o orixe desta biblioteca ao seu funcionamento. Gustounos moito ver libros en diferentes linguas, en braille... A sala con libros pop up é xenial!!! pero o que máis nos gustou foi o xogo de pistas, 

viernes, 5 de octubre de 2018

Primeira sesión na horta escolar Curso 2018-2019

 Comezamos, un ano máis as sesións da horta escolar con Rosa e Rolan. Limpamos o noso bancal de herbas, movemos a terra e sementamos canónigos. Finalmente regamos e comprometémonos a regar cando fose necesario. Xa estamos esperando para ver como crecen e probar a rica ensalada que imos facer.

domingo, 24 de junio de 2018

Rematamos o noso proxecto “Julio Verne en Vigo”


O día 12 de xuño rematamos, ao fin, o noso proxecto “Julio Verne en Vigo”. Fomos a Meirande e ás illas de San Simón e San Antón.

Saímos ás 9:00 do colexio e fomos camiñando e cantando ata o Porto. No porto esperábanos Xabi, que era o monitor. Collemos o barco e foi moi emocionante, sobre todo ao pasar debaixo da ponte de Rande (pedimos un desexo). Chegamos a Meirande e alí aprendemos moitas cousas da historia dos tesouros. Collemos de novo  barco e fomos ata San Simón e San Antón. Fixemos una visita ás illas con Xabi, que nos explicou moitas cousas sobre a historia, as lendas…. Comemos no barco fondeado na enseada e volvemos á illas para facer un xogo de pistas. Á volta tivemos discoteca na cuberta do barco. Chegamos un pouco tarde ao colexio, pero pagou a pena. PASÁMOLO XENIAL!!!

lunes, 18 de junio de 2018

Obradoiro de cociña coas mestras Marta e Filo



Os nenos e as nenas de 3º de primaria rematamos o curso cun obradoiro de cociña. Seguimos os pasos seguintes:

  1. Xogo de pistas polo patio do colexio ata localizar os anacos da receita e compoñer o crebacabezas. 
  2. Escribir e aprender a receita.
  3. Fixemos a equivalencia das medidas para facer biscoito e medio.
  4. Elaboramos a receita.
  5. Comémola 😋
Os brownies estaban riquíiiiiisimos!!!

domingo, 10 de junio de 2018

O GATO CON BOTAS CONTADO CUN KAMISHIBAI


Esta semana tivemos a sorte de ter connosco a Cristina (nai de Marina). Gozamos moito co conto do "Gato con botas" contado cun kamishibai, arte tradicional de contar contos en Xapón.
Ademais de escoitar o conto, aprendimos cousas da cultura tradicional xaponesa que ela nos contou.
Arigato Cristina!!!

miércoles, 30 de mayo de 2018

Obradoiro de banda deseñada


O pasado venres recibimos a visita de Federico Fernández, un importante ilustrador entre outras cousas. Con el aprendemos como facer un cómic. Explicounos os distintos tipos de planos, de globos... as partes do cómic e o máis importante.  como facer o guión gráfico para poder  pasar unha historia creada por nós a cómic. Aprendemos e gozamos moitísimo, máis agora queda o importante: A elaboración do noso propio Cómic!!!
Moitas grazas Federico os /as nenos/as de terceiro comprometémonos a ter o cómic rematado antes de  fináis de curso.

domingo, 20 de mayo de 2018

LETRAS GALEGAS 2018

 Os/as alunos alumnas de 3º homenaxeamos a María Victoria Moreno, na clase de plástica.




Obradoiro de instrumentos musicais antigos con Tere Santamaría



Este ano, como non podía ser menos, os/as nenos/as de terceiro de primaria celebramos O Día das Letras Galegas. O martes 15 de maio tivemos un magnífico obradoiro con Tere Santamaría. 
As mestras explicáronnos que Tere é unha das mulleres importantes de Galicia. Forma parte do grupo de música folk Son de Seu, é actriz de dobraxe e ten moitos coñecementos sobre as tradicións musicais de Galicia.
Comezamos aprendendo como hai moitas cancións que foron pasando, oralmente, dunha xeración a outra. Mostrounos tamén como con case calquera cousa pódese facer música. Con latas, cunchas, culleres de pao, morteiro. tarrañolas (costelas de porco)... Aprendemos tamén a diferenza entre pandeira, pandeireta, pandeiro e mesmo o adufe que é de orixe portugués.
Finalmente cantamos algunhas cancións tradicionais que xa coñecíamos e outras que nos ensinou ela.
Pasámolo moi ben!!!
Moitas grazas Tere por compartir o teu coñecemento e amor pola música tradicional galega connosco.

viernes, 11 de mayo de 2018

XOGANDO A SER ARQUITECTOS


Onte fixemos un “obradoiro de arquitectura” con María, a nai de Nicolás e Sofía. Explicounos moitas cousas como que o traballo dun/dunha arquitecto/a  non só consiste en deseñar edificios, senón que tamén é necesario para ordenar as cidades.
Nós,  que tiñamos moitas ganas de pasalo ben, puxémonos mans á obra e comezamos a deseñar o noso propio edificio cunha caixa de zapatos e unhas portas e ventás de diferentes formas e cores que nos trouxo María.
María trazou as rúas dunha cidade. Colocamos os nosos edificios no lugar que máis nos gustaba e debuxamos a contorna (parques, xardíns, piscinas...)
Cando a cidade estivo rematada, puxémoslle un nome.  “A CIDADE DO FUTURO”  deseñada por 3º A  “A CIDADE DE CARTÓN” deseñada por 3º B.
Pasámolo Xenial!!! Moitas grazas María por compartir o teu tempo connosco.

sábado, 5 de mayo de 2018

VISITAMOS A EXPOSICIÓN DE "JULIO VERNE" NO MARCO

O día dous visitamos a exposición de "Julio Verne" no MARCO. Seviunos para repasar as moitas cousas que aprendemos este curso sobre o autor e a súa obra e tamén para aprender cousas novas.

LECTURAS EN FAMILIA

Durante a Semana do Libro o alumnado de terceiro de primaria gozó, como non podía se doutro xeito, das lecturas c@s pais e nais, que puideron acercarse ás aulas para aportar o seu grao de area.
Queamos tod@s encantad@s coa súa colaboración, Moitas Grazas!!!

viernes, 20 de abril de 2018

RECICLAMOS E CREAMOS


Os nenos e as nenas de terceiro gozamos moito facendo uns collages, moi creativos, con cousas que tiñamos para reciclar. Se queredes ver a exposición completa podedes visitar o corredor das nosas aulas.